.jpeg)
«Ашық НҚА» порталында Қазақстан Республикасының белгілі бір аурулары (жай-күйлері) бар азаматтарының жекелеген санаттарын тегін және (немесе) жеңілдікті амбулаториялық қамтамасыз етуге арналған дәрілік заттар мен медициналық бұйымдардың тізбесіне өзгерістер енгізу туралы ҚР Денсаулық сақтау министрлігі бұйрығының жобасы жарияланды.
Құжатты жария талқылау 2025 жылдың 14 ақпанына дейін жалғасады.
Құжат өлім мен өмір сүру ұзақтығына әсер етпейтін 32 нозологияны алып тастап, өлім мен өмір сүру ұзақтығына әсер ететін басқа созылмалы сырқаттары бар науқастар үшін дәрі-дәрмектерге қол жетімділікті кеңейтуді қарастырады.
Нозологияны алып тастау келесі себептерге байланысты:
- аурудың ағымы 1 айдан аспайды;
- өзгеретін эпидемиологиялық жағдайға және сырқатқа байланысты болжамды қажеттілігін анықтау қиын өткір жағдайлар;
- оны сезімталдықты анықтамай қолдану антибиотикке төзімділіктің дамуына әкелетін антибиотикалық терапияны қажет етеді;
- пациенттердің барынша басым санаттарын қамтамасыз ету үшін ресурстарды қайта бөлу;
- аса маңызды сырқаттарды (қан айналымы жүйесі аурулары, қант диабеті, онкологиялық т.б.) бар науқастарды дәрі-дәрмекпен қамтамасыз ету пайдасына қаржылық ресурстарды ұтымды қайта бөлу.
Тізбені өзектендіру нәтижесінде үнемделген қаражат ауыр зардаптарға әкеп соғуы мүмкін және науқастардың өзі мен олардың отбасылары үшін айтарлықтай қаржылық ауыртпалық туғызатын созылмалы аурулары бар пациенттерді дәрі-дәрмекпен қамтамасыз етуге бағытталады.
Осылайша, жаңартылған АЛО тізімінде ұзақ және барынша қымбат емдеуді қажет ететін созылмалы аурулар қалады.
Министрлік осы жобаға арналған баспасөз-мәлімдемесінде АЛО тізбесін өзектендіру бойынша жұмыс істеу үшін бейінді мамандардың, клиникалық фармакологтардың және ғылыми институттардың қатысуымен жұмыс тобын құрғаны хабарланды.
Жобаның толық мәтінімен мына сілтеме бойынша танысуға болады:
